Grass Garden Resort and Villas

Ito na yata ang isa sa pinakasamaya kong summer vacation. Bakit? Kasi after ko mag-OJT, may 2 weeks pa akong natitira para sulitin ang bakasyon. Kaya naman tinupad namin ang plano na makapagswimming sa hindi kalayuan, mura at magandang resort.

Naghanap kami ng magagandang resorts sa internet at isa sa mga nakita namin ay ang Grass Garden Resort and Villas. Located ito sa Sipat, Plaridel, Bulacan.

Nagandahan kami sa lugar at affordable naman talaga ang fees, ito oh nakuha ko sa FB fan page nila:

Matapos noon ay napagdesisyunan na ng pamilya na dito pumunta. Kaya naman todo ayos na ko ng dadalhin. Ako kasi yung taong ayaw ko may nakakalimutan lalo na pag swimming. Grabe para ako naglayas sa mga dala ko! :))

May 20, 2012 ---- Natuloy na ang pinakahihintay ko. Dumating ang sasakyan na nirent namin. Off to Plaridel!! :)

Habang nasa sasakyan ako, sinamantala ko na. Picture mode! :)

Marami pa yan pero hindi ang kagwapuhan ko ang focus ng post na ito. Hahaha! :)

Pansamantalang huminto kami sa Shell Select (I love Shell!) para bumili ng pagkain at pumunta sa comfort room. Dali-dali akong bumili ng Banana Split sa Dairy Queen at Burger sa Jollibee. Grabe pinagtitinginan ako ng mga nakakasalubong ko. Pambeach kasi ang attire ko. Oha. Center of Attraction lang diba :))

Makalipas ang isang oras (or something, hindi ko maalala dahil abala ako sa sounds), nakarating na kami sa Grass Garden Resort and Villas. Kakaiba ang ambience, maganda at malinis.

Nauna na pala yung pinsan kong si Arra Inocencio na kasama kong nagplano ng swimming dahil malapit lang sila sa lugar.

Ang masaklap lang eh sira ang digicam ko, so the pictures were taken using iPhone 3GS and Nokia E71.

Moving on, nakakatuwa lang mga staff dito. Napakamagalang at maasikaso. Tinulungan pa nga nila lola ko dahil nakawheelchair eh, hirap maglakad. At hindi na nila siya pinagbayad pati mga bata. Nice!

Bigla kami nawawala ni Mom dahil humahanap kami ng lugar kung saan pwede magpicture. Napakarami spots kung saan ka pwede magpapicture. Hehehehe. :)

After kumain, nagbihis na ng swimming attire (tama ba term ko? basta gets niyo na yun!) at bago lumangoy, isang masigabong picture-taking muna.

Makikita niyo naman na may normal size na pool at may kiddie pool. Parehas ako nagbabad diyan, syempre hindi sabay, dahil may mga kasama kaming kids. At may bilihan pala ng sunblock dito kung wala kayong dala. P50 per sachet lang.

Ilang oras din kami nakababad sa tubig. Habang lumalangoy-aso, may mga naririnig akong hindi kaaya-aya ... mga kumakanta. Dahil may videoke sa lugar. Buti na lang sumabak ang pinsan ko sa pagkanta ng Hanggang ni Wency Cornejo. Talbog sila. hahaha! Ang masaklap lang sa mga kumanta ay may nagmurder ng Through the Fire ni Chaka Khan. :|

Nang tumungtong na ang oras sa 3:30 ng hapon, kinailangan na naming mag-ayos para umalis. Nakapaligo na at nakapag-ayos na ng gamit ang kagwapuhan ko nun. Hahaha. Konting picture-taking din muna bago umalis.

Oras na para umuwi. Pagod na ako nun at ramdam ko pa rin yung pag-alon ng tubig sa katawan ko. Tamang-tama ang pag-ulan kasi papauwi na kami nun, ang lamig sa van! :) Syempre wala akong inatupag non kundi magsounds, twitter at foursquare.

Ang saya-saya talaga! :)

Hello sunburn! :)) (till now bakas pa rin pag-itim ng braso ko.)

~RILEYCorn~